Хитайниң башқа җайлирида йеңидин қобул қилинған әскәрләр уйғур елигә келишкә башлиди

Хитайниң башқа җайлирида йеңидин әскәрликкә қобул қилған бир түркүм хитай қораллиқ сақчи қисим әскәрлири уйғур елигә келишкә башлиди. Шинхуа ахбаратида көрситилишичә, бу нөвәт үрүмчигә хебей өлкисидин қобул қилинған 100 дин артуқ әскәр йетип кәлгән.
Мухбиримиз җүмә
2009-12-14
Share

Хәвәрдин мәлум болушичә, бу әскәрләр һәрбий тәлим тәрбийини түгәткәндин кейин, уйғур елидики чегра мудапиә қисимлириға тәқсим қилинидикән.

Хәвәрдә, бу нөвәт хебейдин үрүмчигә кәлгән йеңи әскәрләрниң, уйғур елигә йөткәлгән бу хилдики тунҗи түркүм йеңи әскәрләр икәнлики көрситилгән.

5 - Июл үрүмчи намайиши партлиғандин кейин, хитай даирилири хитайниң һәрқайси җайлиридин уйғур елигә түркүмләп әскәр йөткигәнлики һәққидә учурлар тарқалған иди. Америка авази қатарлиқ мәтбуатларниң 8 - июл тарқатқан бәзи хәвәрлиригә қариғанда, хитай үрүмчи намайишни бесиқтуруш үчүн ләнҗудин һәрбий қошун йөткигән иди.

Мәлуматларға қариғанда, хитай һөкүмити бу йил 5 - июлдин өктәбиргичә уйғур елиға әвәтилгән хитай қораллиқ сақчи вә әскәрлириниң сани 130 миңдин ашқан. Бу қисимларниң һели һәм уйғур елиниң һәрқайси җайлирида түрлүк вәзипиләрни өтәватқанлиқи илгири сүрүлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт