Xitayning bashqa jaylirida yéngidin qobul qilin'ghan eskerler Uyghur élige kélishke bashlidi

Xitayning bashqa jaylirida yéngidin eskerlikke qobul qilghan bir türküm xitay qoralliq saqchi qisim eskerliri Uyghur élige kélishke bashlidi. Shinxu'a axbaratida körsitilishiche, bu nöwet ürümchige xébéy ölkisidin qobul qilin'ghan 100 din artuq esker yétip kelgen.
Muxbirimiz jüme
2009-12-14
Share

Xewerdin melum bolushiche, bu eskerler herbiy telim terbiyini tügetkendin kéyin, Uyghur élidiki chégra mudapi'e qisimlirigha teqsim qilinidiken.

Xewerde, bu nöwet xébéydin ürümchige kelgen yéngi eskerlerning, Uyghur élige yötkelgen bu xildiki tunji türküm yéngi eskerler ikenliki körsitilgen.

5 - Iyul ürümchi namayishi partlighandin kéyin, xitay da'iriliri xitayning herqaysi jayliridin Uyghur élige türkümlep esker yötkigenliki heqqide uchurlar tarqalghan idi. Amérika awazi qatarliq metbu'atlarning 8 - iyul tarqatqan bezi xewerlirige qarighanda, xitay ürümchi namayishni bésiqturush üchün lenjudin herbiy qoshun yötkigen idi.

Melumatlargha qarighanda, xitay hökümiti bu yil 5 - iyuldin öktebirgiche Uyghur éligha ewetilgen xitay qoralliq saqchi we eskerlirining sani 130 mingdin ashqan. Bu qisimlarning héli hem Uyghur élining herqaysi jaylirida türlük wezipilerni ötewatqanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet