Хенән өлкисидики бир әйдиз паалийәтчиси қолға елинди

Хенән өлкисидики бир әйдиз паалийәтчиси өзи әйдиз вируси юқтурувалған дохтурханиниң мәсуллири билән тоқунушуп қалғандин кейин, қолға елинған. Бирләшмә агентлиқиниң көрситишичә, һазир униң дадиси оғлини қутулдуруш учун һәрикәт қилмақта икән.
Мухбиримиз җүмә
2010.08.30
Share on WhatsApp
Share on WhatsApp

Әйдиз паалийәтчиси тйән шин әсли сағлам бала икән. У, 1996 - йили хенән өлкиси шинсәй наһийилик биринчи дохтурханида йеник дәриҗилик меңә силкиниш кесили бойичә даваланған вә дохтурхана униңға бәргән қанда әйдиз вируси билән юқумланған.

У, әйни чағда 17 яшта болуп, шундин етибарән һөкүмәт даирилиридин төләм тәләп қилип кәлмәктә икән.

Мәлум болушичә, тйән шин бу айниң бешида өзигә әйдиз вируси юқтуруп қойған дохтурханиға келип, дохтурхана мәсуллири билән көрүшкән. Дохтурхана мәсули униңға ярдәм қилалмайдиғанлиқини ейтқандин кейин, тйән шин өзини басалмай ишханидики бир компютер вә факс машинисини чеқивәткән.

Кейин сақчилар уни һөкүмәт мүлкигә бузғунчилиқ қилиш җинайити билән қолға алған. Униң дадиси оғлини қутулдуруш үчүн һәр тәрәплимә издәнмәктә икән.

Хитайда әйдиз бимарлири йәнила кәмситишкә учрайду. Уйғур елиму әйдиз вируси әң тиз тарқиливатқан районларниң бири болуп, мәзкур районда һөкүмәт даирилириниң әйдизниң алдини елиш җәһәттә анчә актип һәрикәт қилмайватқанлиқи илгири сүрүлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт