Xitay amérikini teywen'ge ' F - 16 ' küreshchi ayropilanini sétip bermeslikke chaqirghan
Muxbirimiz shöhret
2010.03.09
2010.03.09
Melumatlardin qarighanda, teywende ma yingju textke chiqqandin kéyin, teywende bar bolghan F - 16A/Bs tipliq küreshchi ayropilanlirini, 66F16 - C/Ds tipigha özgertish üchün amérikigha köp qétim telep sun'ghan. Amérika herbiy mutexessislirimu alaqidar doklatlirida teywenning herbiy eslihelirini tereqqiy qildurush kéreklikini, undaq bolmighanda teywen mudapi'e küchining ajizlap kétidighanliqini bildürgen.
Bügün muxbirlar xitay tashqi ishlar bayanatchisidin F - 16 heqqide so'al sorighan. Bayanatchi amérikidin xitayning inkaslirigha we endishilirige jiddiy mu'amile qilishni telep qilghan we amérikini xitayning muhim menpe'etlirige hörmet qilishqa chaqirghan.
Amérika teywen'ge qoral sétip bérish heqqidiki qararini élan qilghandin kéyin, xitay ikki dölet arisida élip bériwatqan herbiy söhbetni toxtitip qoyghan idi.