Xitay amérikini teywen'ge ' F - 16 ' küreshchi ayropilanini sétip bermeslikke chaqirghan

Amérika hökümiti yanwarda teywen'ge 6 milyard 400 milyon dollarliq qoral sétip béridighanliqini élan qilghan, emma sétip bérilidighan qorallar arisida F - 16 küreshchi ayropilanlirining bar - yoqluqi bildürülmigen idi.
Muxbirimiz shöhret
2010.03.09

 Melumatlardin qarighanda, teywende ma yingju textke chiqqandin kéyin, teywende bar bolghan F - 16A/Bs tipliq küreshchi ayropilanlirini, 66F16 - C/Ds tipigha özgertish üchün amérikigha köp qétim telep sun'ghan. Amérika herbiy mutexessislirimu alaqidar doklatlirida teywenning herbiy eslihelirini tereqqiy qildurush kéreklikini, undaq bolmighanda teywen mudapi'e küchining ajizlap kétidighanliqini bildürgen.

 Bügün muxbirlar xitay tashqi ishlar bayanatchisidin F - 16 heqqide so'al sorighan. Bayanatchi amérikidin xitayning inkaslirigha we endishilirige jiddiy mu'amile qilishni telep qilghan we amérikini xitayning muhim menpe'etlirige hörmet qilishqa chaqirghan.

Amérika teywen'ge qoral sétip bérish heqqidiki qararini élan qilghandin kéyin, xitay ikki dölet arisida élip bériwatqan herbiy söhbetni toxtitip qoyghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.