ئامېرىكا ئارمىيىسىنىڭ يۇقىرى دەرىجىلىك قوماندانى: خىتاينىڭ ھەربىي تەرەققىياتى ئامېرىكىنى نىشان قىلغان

ئامېرىكا ئارمىيىسى باش قوماندانلىق شتابىنىڭ رەئىسى مايك مۇللېن "خىتاينىڭ ھەربىي تەرەققىياتى ئامېرىكىنى نىشان قىلغان"، دېدى. ئۇ سۆزىدە "خىتاينىڭ ج ج-20 تىپلىق راداردا كۆرۈنمەيدىغان كۈرەشچى ئايروپىلانغا ئوخشاش ئىلغار ھەربىي قوراللارنى ياساپ چىقىشى تەبىئىي ھالدا خىتاي نېمە ئۈچۈن بۇنداق قىلىدۇ، دېگەن سوئالنى پەيدا قىلىدۇ"، دەپ تەكىتلىگەن.
مۇخبىرىمىز ئىرادە
2011-01-13
Share
ئامېرىكا دۆلەت مۇداپىئە مىنىستىرى روبېرت گېيتىسنىڭ زىيارىتى جەريانىدا خىتاي ئۆزىنىڭ" ج-20" تىپلىق كۈرەشچى ئايروپىلانىنى سىناق تەرىقىسىدە ئۇچۇرغانلىق خەۋەر قىلغان ئىدى. ھازىرغىچە بۇ خىل راداردا كۆرۈنمەيدىغان كۈرەشچى ئايروپىلانغا پەقەت ئامېرىكىلا ئىگە بولسىمۇ، بىراق ئۇزۇن يىللاردىن بېرى خىتاي ۋە رۇسىيىنىڭ بۇ خىل كۈرەشچى ئايروپىلاننى ياساپ چىقىش ئۈچۈن تەتقىقات ئېلىپ بېرىۋاتقانلىقى مەلۇم ئىدى.

فرانسىيە ئاگېنتلىقىنىڭ خەۋەر قىلىشىچە، مۇللېن مۇخبىرلارغا قىلغان سۆزىدە خىتاينىڭ چوڭ دۆلەت بولۇش سۈپىتى بىلەن ئەلۋەتتە ھەربىي تېخنىكىسىنى تەرەققىي قىلدۇرۇش ھوقۇقىنىڭ بارلىقىنى، ئەمما ئۇنىڭ ئۆزىنى قوغداش خاراكتېرلىك قوراللارنى ئەمەس، بەلكى يۇقىرى تېخنىكىلىق ئۇرۇش قوراللىرىنى ياسىشىنىڭ كىشىنى گۇمانغا سالىدىغانلىقىنى بىلدۈرگەن.

مايك مۇللىن يەنە، خىتاينىڭ بۇ خىل كۆرۈنمەس كۈرەشچى ئايروپىلان تېخنىكىسىغا ئىگە بولۇشىنىڭ خىتاي ئارمىيىسىگە بەلگىلىك دەرىجىدە كۈچ قوشىدىغانلىقىنى ئەسكەرتىپ، خىتاي ئىگە بولۇۋاتقان بۇ خىل تېخنىكىلارنىڭ قارىماققا ئامېرىكىنى نىشان قىلىۋاتقاندەك كۆرۈنىدىغانلىقى، شۇنىڭ ئۈچۈن ئىككى دۆلەت ھەربىي مۇناسىۋىتىنىڭ مۇھىملىقىنى تەكىتلىگەن.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت