Amérika armiyisining yuqiri derijilik qomandani: xitayning herbiy tereqqiyati amérikini nishan qilghan

Amérika armiyisi bash qomandanliq shtabining re'isi mayk mullén "xitayning herbiy tereqqiyati amérikini nishan qilghan", dédi. U sözide "xitayning j j-20 tipliq radarda körünmeydighan küreshchi ayropilan'gha oxshash ilghar herbiy qorallarni yasap chiqishi tebi'iy halda xitay néme üchün bundaq qilidu, dégen so'alni peyda qilidu", dep tekitligen.
Muxbirimiz irade
2011-01-13
Share
Amérika dölet mudapi'e ministiri robért géytisning ziyariti jeryanida xitay özining" j-20" tipliq küreshchi ayropilanini sinaq teriqiside uchurghanliq xewer qilghan idi. Hazirghiche bu xil radarda körünmeydighan küreshchi ayropilan'gha peqet amérikila ige bolsimu, biraq uzun yillardin béri xitay we rusiyining bu xil küreshchi ayropilanni yasap chiqish üchün tetqiqat élip bériwatqanliqi melum idi.

Fransiye agéntliqining xewer qilishiche, mullén muxbirlargha qilghan sözide xitayning chong dölet bolush süpiti bilen elwette herbiy téxnikisini tereqqiy qildurush hoquqining barliqini, emma uning özini qoghdash xaraktérlik qorallarni emes, belki yuqiri téxnikiliq urush qorallirini yasishining kishini guman'gha salidighanliqini bildürgen.

Mayk mullin yene, xitayning bu xil körünmes küreshchi ayropilan téxnikisigha ige bolushining xitay armiyisige belgilik derijide küch qoshidighanliqini eskertip, xitay ige boluwatqan bu xil téxnikilarning qarimaqqa amérikini nishan qiliwatqandek körünidighanliqi, shuning üchün ikki dölet herbiy munasiwitining muhimliqini tekitligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet