Хитай мудапиә министирлиқи тунҗи рәсми тор бетини бүгүн ачти

Хитай мудапиә министирлиқи тунҗи рәсмий тор бетини ачти. Хитай һөкүмити давамлиқ һалда һәрбий күчини мәхпий тутуш билән хәлқара җәмийәт тәрипидин әйиблинип келиватқан болуп, хитайниң бу тор бәтни һәрбий ишлириға қисмән болсиму, очуқлуқ елип келиш үчүн ачқанлиқи пәрәз қилинмақта.
Мухбиримиз ирадә
2009.08.20
Share on WhatsApp
Share on WhatsApp

Хитай мудапиә министирлиқиниң тор бетидә ху җинтав вә башқа һәрбий әмәлдарларниңму рәсимлири қоюлған. Тор бәттә йәнә һәрхил қорал - ярақ вә әскири аптомобиллар билән мунасивәтлик мәлуматлар вә рәсимләр, хитайниң мудапиә сиясәтлири, хәлқара әскири иш бирликлири, әскири қанунлири вә хәвәрлиригә йәр берилгән.

Бу тор бетиниң америка армийисиниң баш генерали стәф генниң хитай зиярити җәрянида ечилишиму алаһидә диққәт тартти.

Хитайниң һәрбий хираҗәтлириниң юқирилиқиму хәлқара җәмийәт тәрипидин изчил тәнқидлинип келиватқан мәсилә иди. Хитайниң үзлүксиз һалда ешп бериватқан һәрбий хираҗәтлири бу йил 9. 14 Прсәнт ешип 480 милярд 680 милйон юәнгә йәткән болуп, хитай бу һәрбий хираҗәтлириниң ишлитилгән орунлири һәққидә ениқ мәлумат бәрмәйватқан иди.

Гәрчә хитай әскири күчини сиртқа қарита кеңәймичилик әмәс, өзини қоғдаш үчүнла тәрәққи қилдуруватқанлиқини илгири сүрүватқан болсиму, әмма мутәхәссисләр буниңға гуманий нәзәр билән қаримақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.