Америка дөләт хәвпсизлик мәслиһәтчиси хитай һәрбий әмәлдари билән көрүшти

Обама һөкүмитиниң дөләт хәвпсизлик мәслиһәтчиси томас донилон чаршәнбә күни хитай мәркизий һәрбий ишлар комитетниң муавин рәиси шу сәйхо билән көрүшүп, асия хәвпсизлик мәсилиси үстидә сөзләшкән.
Мухбиримиз җүмә
2012.07.25

Униң бу зиярити җәнубий хитай деңиз вәзийити бир қәдәр җиддийләшкән вә америкиму мәзкур районда өз дөләт мәнпәити барлиқини илгири сүрүватқан мәзгилгә тоғра кәлди.

Донилон шу сәйхо билән  көрүшкәндә америкиниң җәнубий деңиз мәсилидики мәйдани вә обаманиң мәзкур районға қаратқан истратегийиси мәсилисиниң оттуриға чиққан яки чиқмиғанлиқи һазирчә намәлум.

Томас донилон сәйшәнбә күни хитай президенти ху җинтав билән көрүшкән иди. “хитай күндилик хәвәрләр гезити” дә ху җинтавниң икки дөләт арисидики сәзгүр мәсилиләрни бир тәрәп қилишта “еһтиятчан болуш” ни тәләп қилғанлиқи көрситилгән.
Әмма хәвәрдә бу “сәзгүр мәсилиләр” ниң немиләрни өз ичигә алдиғанлиқи шәрһләнмигән.

Америка президенти обама өткән йили кәлгүсидә америкиниң асаслиқ һәрбий күчини асия -тинч окян райониға қаритидиғанлиқини билдүргәндин кейин бу хитайни қаттиқ биарам қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.