Xitay dalay lamaning hindistan - xitay chégra rayonidiki ziyaritige qarshi turmaqta

Xitay tibet rohaniy dahiysi dalay lamaning hindistan - xitay chégrisidiki, tibetler zich olturaqlashqan arunachal pradésh rayonida élip baridighan ziyaritige qarshi turmaqta.
Muxbirimiz mihriban
2009-10-20
Share

Arunachal pradésh rayoni tibetning jenubigha, butanning gherbige jaylashqan bolup, xitay we hindistandin ibaret her ikki dölet bu rayon'gha igidarchiliq hoquqimiz bar dep qaraydu, shunga bu rayon we xitay - hindistan chégrisidiki bashqa bir qisim jaylargha nisbeten ikki dölet otturisidiki talash - tartish üzlüksiz hel bolmaywatqan bolup, 1962 - yildiki xitay - hindistan chégrisida yüz bergen urushmu bu mesilini hel qilalmighan idi.

Xitay hökümiti bu jayni, "jenubiy tibet" rayoni dep ataydighan bolup, xitay tashqi ishlar bayanatchisi ma chaw tünügün bu heqte bayanat bérip, "béyjing hökümiti dalay lamaning hindistan kontrolluqidiki arunachal pradesh rayonida ziyarette bolushigha qarshi turidu"dédi.

Otken ayda hindistan bash ministiri sin'ganing arunachal pradésh rayonigha élip barghan tekshürüshimu xitay hökümitining qattiq naraziliqini qozghighan idi. Oxshashla xitayning pakistan kontrolluqidiki keshmir rayonida pakistan'gha yardemliship qurup bermekchi bolghan su ambiri qurulushimu hindistanning qarshiliqigha uchrighan idi.

1959 - Yili xitaygha qarshi élip bérilghan tibet qozghilingidin kéyin, dalay lama bashchiliqidiki bir bölek tibetlikler hindistan'gha sergerdan bolup chiqip ketkendin kéyin, dalay lamaning tibet xelqining heq - hoquqliri üchün élip bériwatqan pa'aliyetliri, gerche xitay hökümiti teripidin "bölgünchilik herikiti" dep eyibliniwatqan bolsimu, emma xelq'aradiki kishilik hoquq jem'iyetliri we nurghunlighan döletler dalay lamani üzlüksiz qollap kéliwatqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet