Америкиниң һәрбий тәрәп рәһбири хитайдин шималий корийә мәсилисидә һәрикәт қоллинишни тәләп қилди

Хитай һөкүмити америка тәрәпниң шимали корийини агаһландуруп, пйоңяң "тәрсалиқтин" ваз кечишкә мәҗбурлаш тоғрисидики җидди бесимиға дуч кәлди.
Мухбиримиз әркин
2010-12-01
Share

Буниңдин бурун ақсарай, америка дөләт ишлар министирлики қатарлиқ органлар хитайни чақирип, униңдин шималий корийиниң илгириләп иғвагәрчилик қилишиниң алдини елишни тәләп қилған. Бу қетим америка тәрәп рәһбири хитайниң шимали корийини гәпкә киргүзүш вә уни тизгинләш мәсулийити барлиқини агаһландурди. Чаршәнбә күни америка армийисиниң бирләшмә баш штаб рәиси майк муллен, хитайниң тәрәпләрни сөһбәт өткүзүшкә орунлаштуруш пилани вәзийәтни пәсәйтишкә йәтмәйдиғанлиқини әскәртип, хитайни һәрикәт қоллинишқа чақирған. Майк муллен, хитай шимали корийиниң иттипақдиши болуш сүпитидә шималий корийәгә" йетәрлик тәсир көрситиш күчи барлиқи вә шундақла мәсулийити барлиқи"ни әскәртип, " биз хитайниң бу мәсилидә һәрикәт қоллинишни истәймиз, бу униң райондики дөләт бихәтәрлик мәнпәәтигә мунасивәтлик мәсилә" дегән.

Хитай һөкүмити буниңдин бурун тәрәпләрни сөһбәткә орунлаштуриватқанлиқини илгири сүргән. Лекин майк муллен "бейҗиңниң сөһбәт чақириқи һәрикәткә вәкиллик қилмайду. Мән шимали корийә билән йеңи музакиригә олтуруп, униң иғвагәрчилик вә бузғунчилиқ харакеириға илһам бериш керәк, дәп қаримаймән" дәп көрсәткән. Майк муллен бу сөзләрни қилиштин бурун җәнубий корийә җасуслуқ оргининиң башлиқи вон сей хун корийә йонхап ахбарат агентлиқиға баянат елан қилип, шималий корийиниң йәнә җәнубий корийигә һуҗум қилиш еһтимали наһайити юқири икәнликини билдүргән иди.

Хитай һөкүмити болса давамлиқ тәрәпләрни өзини тутувелишқа чақирип, "вәзийәтни илгириләп җиддийләштүрүветидиған һәрикәтләрдин сақлинишқа чақирип кәлмәктә. Бу арида америка билән җәнубий корийиниң өткән йәкшәнбә күндин башлиған сериқ деңиздики бирләшмә һәрбий маневири чаршәнбә күни ахирлашқан. Җәнубий корийә даирилириниң ашкарилишичә, нөвәттә тәрәпләр йәнә бир қетим маневир елип беришни сөзләшмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт