Xitay hökümiti jenubiy Uyghur élige meblegh salidighanliqini bildürdi

Shinxu'a axbaratida körsitishiche, mezkur meblegh asasen qeshqer, xoten we aqsu wilayetliride yertewreshke chidamliq turalghu qurulushi üchün ishlitilidiken.

Dunya Uyghur qurultiyi bayanatchisi dilshat rishitning bildürüshiche, xitay hökümet darlirining "5 - iyul ürümchi weqesi" din kéyin, jenubi Uyghur élige qaritilghan olturaq öy qurulushi meblighini ashkarilishi, yenila ularning dunya jama'etchilikining közini boyash, Uyghur élidiki mesilining heqiqiy mahiyitini yoshurush qestini ashkarilaydiken.

U mundaq dédi: " xitayning bu aldamchiliq siyasiti, Uyghur xelqi yoluquwatqan milliy kemsitish, yashash muhitining tariyishi, namratliq, ishsizliqtin ibaret ré'al mesilini hel qilalmaydu."

Xitay hökümiti yertewreshke chidamliq turalghu qurulushi siyasitini yillardin béri yürgüzüp kéliwatqan idi. Emma, biz yerlik orunlardin igiligen xewerlerge qarighanda, yerlik hökümet déhqanlargha yertewreshke chidamliq turalghu qurulushida köz boyamchiliq qilmishliri éghir iken.

Radi'omiz alaqe qilghan déhqanlarning bildürüshiche, hökümet da'iriliri déhqanlargha öy sélish alwingi salghan we turalghularning peqet yolgha qaraydighan qisminila pishshiq xish bilen yéngilap köz boyamchiliq qilghan.
Uningdin bashqa yene, öy sélishqa ishlitidighan, pishshiq xish we sémont sodisida xitay shirketliri hessilep payda alghan.