Amérikidiki adwokatlar xitayni intérnét sewebi dunya soda teshkilatigha erz qilishni otturigha qoydi

Amérika hökümitining soda sahesidiki emeldarliri yéqinda, amérikidiki söz erkinlikini qollaydighan bir ammiwi organ bilen alaqiliship, xitay hökümitining tor cheklimisini dunya soda teshkilatigha erz qilish toghrisida mezkur organdiki adwokatlarning pikirini alghan.
Muxbirimiz erkin
2010-01-22
Share

"‏1 - Tüzitish lahiyihisi" dep atilidighan bu organdiki adwokatlarning ashkarilishiche, amérika hökümitidiki emeldarlar xitay da'irilirining intérnétke cheklime qoyup, amérika shirketlirining sodisigha kashila qilghanliqini, shunga dunya soda teshkilatigha erz qilish mesilisini sorighanliqini bildürgen.

Bu organ, 2007 ‏- yili bush hökümitige teklip sunup, xitayning tordiki nazuk uchurlarni süzüwélish üchün orunlashturghan "seddichin ot tosmisi"ning dunya soda teshkilati nizamigha zit ikenlikini, bu mesilini dunya soda teshkilatigha erz qilsa bolidighanliqini bildürgen. Lékin bush hökümiti bu teklipni qobul qilmighan idi.

Bu heqtiki xewerlerde, bush hökümitining eyni chaghda bu teklipni qobul qilmasliqidiki seweb "amérika shirketlirining ashkara otturigha chiqip, xitayning tor cheklmisige qarshi chiqishqa jasaret qilalmighanliqidur" dep tekitligen.

Xitay hökümitining tor cheklimisini dunya soda teshkilatigha erz qilish toghrisidiki bu xewer, amérika dölet ishlar ministiri hélariy klinton tünügün "nyuziyum" axbarat muziyida söz qilip, torgha hujum qilghuchilarning jawabkarliqi sürüshtürülidighanliqini tekitligen mezgilde otturigha qoyuldi.

Prézidént obama jüme küni eqli mülük hoquqini qoghdash amérika duch chkéliwatqan muhim meslilerning biri dep eskertip, bu mesile yene xitay bilen sözlishishke tégishlik mesililerning biri ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet