Kanadaliq mutexessisler xitayning intérnét jasusluqigha qarita xelq'araning birlikte tedbir qollinishi kéreklikini otturigha qoydi

Kanadadiki "uchur urushini közitish" namidiki tetqiqat orni yéqinda, xitayning intérnét jasusluqi heqqide tekshürüsh doklati élan qilip, dunyadiki her qaysi döletlerni xitayning intérnét jasusluqigha qarita birlikte tedbir qollinishqa chaqirdi.
Muxbirimiz shohret hoshur
2010.04.09
Share on WhatsApp
Share on WhatsApp

Doklatta bildürülüshiche, dunyada yüzdin artuq dölettiki 1000din artuq kompyotér xitaydiki intérnét xakkérlirining hujumigha uchrighan. Tekshürüshte xakkérlarning orni xitayning sichüen ölkisining chéngdu shehiri bolup chiqqan.

Doklatta eskertilishiche, xitayda intérnét qattiq qamal qiliniwatqan bügünki künde, eger hökümetning qollishi bolmisa, intérnét xakkérlirining bu derijide aktip pa'aliyette bolalishi mumkin emes.

Yene doklatta körsitilishiche, hujum nishanliri arisida, b d t ning iqtisadiy we ijtima'iy ishlar komitétining kompyotér sistémisi, hindistanning dölet mudapi'e tor béti qatarliqlarmu bayqalghan. Xitayning intérnét xakkérliri ötken yili 1 - aydin 11 - ayghiche bolghan ariliqta dalay lamaning ishxanisidiki kompyotérlardin 1500din artuq torxetni oghrilighan.

Xitay xitay tashqi ishlar bayanatchisi, mezkur doklattiki xulasilerni tamamen inkar qilghan. Mezkur doklatta bolsa, dunyada intérnét bashqurush toghrisida bir tüzüm tüzülüshi, buning üchün barliq döletler birlikte heriket qilishi kéreklikini otturigha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.