Xitay amérikining intérnét erkinlikige hörmet qilish toghrisidiki chaqiriqini ret qildi

Xitay tashqiy ishlar ministirliqining bayanatchisi ma jawshuy jüme küni klinton xanimning chaqiriqigha inkas qayturup, amérikining xitayni "asassiz eyibligenliki" ni we buning amérika -xitay munasiwitige ziyan yetküzidighanliqini tekitligen.

Klinton xanim tünügün intérnét toghrisida söz qilip, xitayni amérika Google shirkitining xitaydiki tor meshghulatigha hujum qilish weqesi üstidin tekshürüsh élip bérishqa chaqirghan idi. U yene uchurning bimalal almishishini tosup, tor qollan'ghuchilarning asasi kishilik hoquqini depsende qilghuchilar özining kélechek tereqiyatigha tosalghu bolidighanliqini ilgiri sürgen.

Ma jawshuy bolsa "amérika terep junggoning tor bashqurush siyasitini eyiblep, junggo tor erkinlikini cheklewatqandek tesirat yaratti, emeliyetke uyghun bolmighan bu tenqid junggo -amérika munasiwitige ziyan yetküzidighan söz ‏- herikettur" digen.

Hélariy klintonning xitayni agahlandurushi, xitayning Google shirkitige bésim ishlitip, uchurgha cheklime qoyushni telep qilishi we Google ning xitaydiki tor meshghulatining hujumgha uchrishi bilen munasiwetlik idi. Ma jawshuy jüme künidiki bayanatida, "junggo intérnét échiwétilgen dölet" dégen. Lékin xitayning tor siyasitini tenqid qilghuchilar, xitay da'irilirining Uyghur élide intérnétni taqiwetkinige 8 ay bolay dep qalghanliqini bildürmekte.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar