Xitay 586 milyard dollar ajritip iqtisadidiki jiddiy töwenleshke taqabil turmaqchi

Dunya iqtisadidiki astilash, éksport asas qilinidighan xitay iqtisadi igilikige biwasite tesir körsetken bolup, xewerlerge qarighanda, bu yil xitay iqtisadidiki ösüsh besh yildin buyanqi eng töwen chekke chüshüp qalghan.
Muxbirimiz jüme
2008-11-10
Share

Melum bolushiche, xitay iqtisadidiki ösüsh ötken yili, yillardin buyanqi 11.9 Pirsenttin 9 pirsentke chüshüp qalghan bolsa, buning kéler yili yene dawamliq töwenlep 7.5 Pirsentke chüshüp qalidighanliqi mölcherlenmekte iken.

Xewerlerge qarighanda, netijide noqul halda éksportqa tayinip igilik tikligen xitay zawutlirida xadim qisqartish barghanche kéngiyiwatqan bolup, hetta bu xilidiki bezi zawutlar bara - barar taqilip qalmaqta iken.

9 - Noyabir yekshenbe küni, xitay merkizi hökümiti dölet kabinti, xitay igilikidiki bu xil jiddiy töwenleshke taqabil turush hemde dölet ichidiki bazar oborotini kücheytish meqsitide 586 milyard dollar meblegh ajritidighanliqini ashkarilidi.

Melum bolushiche, bu 586 milyard dollar meblegh xitay yilliq ishlepchiqirish qimmitining 7 pirsentige barawer bolup, xitay mezkur mebleghni kelgüsi ikki yil ichide dölet ichidiki tomur yol, ayrodrom we bashqa asasiy mu'essese qurulushigha serp qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet