Америкиға қачқан хитай 'җасуси' америкини хитайға бесим ишлитишкә чақирди

Хитайдин йүз өрүп америкиға қечип барған бир хитай җасуси америкини хитайдин һәзәр әйләшкә чақирип, хитайниң мәмликәт ичи вә сиртида кәң көләмлик җасуслуқ паалийити елип бериватқанлиқини, өктичиләргә зиянкәшлик қиливатқанлиқини билдүрди.
Мухбиримиз әркин
2009-03-20
Share

Илгири хитай дөләт бихәтәрлик министирлиқида хизмәт қилған ли феңҗи исимлик хитай җасуси пәйшәнбә күни америка дөләт мәҗлис әзалири билән көрүшкән вә америкидин сияси панаһлиқ тәләп қилған.

Ли феңҗиға һесдашлиқ қилғучиларниң әскәртишичә, у йеқинқи бир қанчә йилдин бери америкидин панаһлиқ тәләп қилған тунҗи хитай җасуси икән. Ли феңҗи пәйшәнбә күни фалунгоңчилар тәрипидин вашингтонда уюштурулған ахбарат йиғиниға қатнишип, хитай дөләт бихәтәрлик министирлиқидики вәзиписиниң өктичи затлар, фалунгоң муритлири вә чарисиз бичарә кишиләр үстидин җасуслуқ елип бериш икәнликини көрситип, "наһайити ғәзәпкә" кәлгәнликини билдүрди.
 
Ли феңҗи мундақ дәйду": җуңго һөкүмити әқәлли кишилик һоқуқ тәләп қилған кишиләрни төһмәт вә зораванлиқ васитиләр билән бастурупла қалмай һәқиқи әһвални хәлқара җәмийәттин күчиниң беричә йошурмақта."

Вашингтон почта гезитиниң хәвәр қилишичә, ли феңҗиниң салаһийити ғәрбтики мәлум бир дөләт тәрипидин испатланған болуп, у 2004 ‏- йили америкиға оқушқа әвәтилгән пурсәттин пайдилинип хитайдин йүз өригән.

Хитайниң вашингитондики баш әлчиханисиниң баянатчиси ли бавдоң ли феңҗиниң әйиблишини рәт қилип, "җуңго америкиға қарши җасуслуқ паалийити елип бериватиду, дәп әйибләшниң һечқандақ асаси йоқ" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт