Amérikigha qachqan xitay 'jasusi' amérikini xitaygha bésim ishlitishke chaqirdi

Xitaydin yüz örüp amérikigha qéchip barghan bir xitay jasusi amérikini xitaydin hezer eyleshke chaqirip, xitayning memliket ichi we sirtida keng kölemlik jasusluq pa'aliyiti élip bériwatqanliqini, öktichilerge ziyankeshlik qiliwatqanliqini bildürdi.
Muxbirimiz erkin
2009.03.20
Share on WhatsApp
Share on WhatsApp

Ilgiri xitay dölet bixeterlik ministirliqida xizmet qilghan li féngji isimlik xitay jasusi peyshenbe küni amérika dölet mejlis ezaliri bilen körüshken we amérikidin siyasi panahliq telep qilghan.

Li féngjigha hésdashliq qilghuchilarning eskertishiche, u yéqinqi bir qanche yildin béri amérikidin panahliq telep qilghan tunji xitay jasusi iken. Li féngji peyshenbe küni falun'gongchilar teripidin washin'gtonda uyushturulghan axbarat yighinigha qatniship, xitay dölet bixeterlik ministirliqidiki wezipisining öktichi zatlar, falun'gong muritliri we charisiz bichare kishiler üstidin jasusluq élip bérish ikenlikini körsitip, "nahayiti ghezepke" kelgenlikini bildürdi.
 
Li féngji mundaq deydu": junggo hökümiti eqelli kishilik hoquq telep qilghan kishilerni töhmet we zorawanliq wasitiler bilen basturupla qalmay heqiqi ehwalni xelq'ara jem'iyettin küchining bériche yoshurmaqta."

Washin'gton pochta gézitining xewer qilishiche, li féngjining salahiyiti gherbtiki melum bir dölet teripidin ispatlan'ghan bolup, u 2004 ‏- yili amérikigha oqushqa ewetilgen pursettin paydilinip xitaydin yüz örigen.

Xitayning washin'gitondiki bash elchixanisining bayanatchisi li bawdong li féngjining eyiblishini ret qilip, "junggo amérikigha qarshi jasusluq pa'aliyiti élip bériwatidu, dep eyibleshning héchqandaq asasi yoq" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.