Xitay tashqi ishlar ministirliqi bayanat bérip özlirining jasusluq qilghanliqini ret qildi

Xitay tashqi ishlar ministirliqi bayanatchisi ma chawshü sözide amérikining herbiy mexpiyetliklirige érisheleydighan amérika ténch okyan qomandanliq shitabining washin'gton alaqe ponkitining mu'awin bashliqi fang délunning 2004 - yilidin 2008 - yilighiche bolghan ariliqta amérikining herbiy jehettiki we teywen munasiwetlirige da'ir mexpiy hüjjetlirini xitay jasusigha satqanliqini ret qilip, amérika bundaq soghuq urush mezgilidiki rohiy haletni ishlitip junggogha bolghan ispatisz eyibleshlerni toxtitishi kérek, dégen.

U yene, "biz amérikining ikki dölet munasiwitini öz ‏ - ara ishench ichide tereqqi qildurush we ikki dölet xelqining dostluqini ilgiri sürüshte köprek küch chiqirishini ümid qilimiz," dégen.

Amérika tekshürüsh idarisi bu jasusluq délosigha munasiwetlik bolghan go teyshing, fang délun we kang yüshin qatarliq üch kishige jasusluq jinayiti bilen ayrim - ayrim halda 16 yilliq, besh yilliq we bir yérim yilliq qamaq jazasi bergen idi.

Gerche kang yüshin özining xitay hökümitining jasusi ikenlikini étirap qilghan bolsimu, xitay hökümiti buni ret qilghan idi.
   

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar