Әнглийидә қатиллиққа учрап өлгән икки хитай җәсити байқалди

Б б с ниң 28 - июл хәвиридә көрситишичә, әнглийиниң ғәрбий йоркшир West Yorkshire шәһәрлик сақчи даирилири дүшәнбә күни бир аилиликләр бинаси алдида тохтитип қоюлған аптомобилниң йүк сандуқидин икки нәпәр хитай пуқрасиниң җәситини байқиған.
Мухбиримиз гүлчеһрә
2009-07-28
Share

Хәвәрдә сақчи даирилириниң сөзини нәқил елишичә, өлтүрүлгән бу икки нәпәр хитайниң бири әр, йәнә бири аял болуп, сақчилар делони ениқлаш үчүн бир қанчә кишини қолға алған. Қолға елинғанлар ичидә шу кочида олтурушлуқ икки әр ‏ - аял болуп, бәзи кишиләр уларниң бир күн бурун җәсәт қачиланған аптомобилда бир немиләрни тошиғанлиқини көргән, икки хитай пуқрасиниң җәсити байқалған кочиниң өзидила бәш алтә хитай олтурушлуқ икән.

Сақчи даирилири б б с мухбириға, мәзкур қатиллиқ делосини йәниму ениқлаш үчүн җәсәтни оператсийә қилип тәкшүридиғанлиқини билдүргән.

Йеқинқи йиллардин буян чәтәлләрдә хитай пуқралирини гөрүгә елиш вә өлтүрүш вәқәлири йүз бәрмәктә болупму, пакистан, афғанистан һәм африқидики бир қисим дөләтләрдә,хитай мәблиқи билән қурулған ширкәтләрниң хадимлириниң өлтүрүлүш делолири бир қәдәр көп.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт