En'gliyide qatilliqqa uchrap ölgen ikki xitay jesiti bayqaldi

B b s ning 28 - iyul xewiride körsitishiche, en'gliyining gherbiy yorkshir West Yorkshire sheherlik saqchi da'iriliri düshenbe küni bir a'ililikler binasi aldida toxtitip qoyulghan aptomobilning yük sanduqidin ikki neper xitay puqrasining jesitini bayqighan.
Muxbirimiz gülchéhre
2009-07-28
Share

Xewerde saqchi da'irilirining sözini neqil élishiche, öltürülgen bu ikki neper xitayning biri er, yene biri ayal bolup, saqchilar déloni éniqlash üchün bir qanche kishini qolgha alghan. Qolgha élin'ghanlar ichide shu kochida olturushluq ikki er ‏ - ayal bolup, bezi kishiler ularning bir kün burun jeset qachilan'ghan aptomobilda bir némilerni toshighanliqini körgen, ikki xitay puqrasining jesiti bayqalghan kochining özidila besh alte xitay olturushluq iken.

Saqchi da'iriliri b b s muxbirigha, mezkur qatilliq délosini yenimu éniqlash üchün jesetni opératsiye qilip tekshüridighanliqini bildürgen.

Yéqinqi yillardin buyan chet'ellerde xitay puqralirini görüge élish we öltürüsh weqeliri yüz bermekte bolupmu, pakistan, afghanistan hem afriqidiki bir qisim döletlerde,xitay mebliqi bilen qurulghan shirketlerning xadimlirining öltürülüsh déloliri bir qeder köp.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet