Ürümchi köktaghdiki bir kanda hadise yüz bérip alte adem öldi

Ürümchi shehiri yénidiki bir kömür kanda kan gümürülüsh weqesi yüz bérip, az dégende alte adem ölgen. Bu xewer xongkongda chiqidighan minpaw géziti teripidin tarqitilghan bolup, ölgenlerning arisida mezkur kanning xitay millitige mensup mu'awin bashliqimu bar iken. Biraq, bashqa qazagha uchrighanlarning millet terkibi heqqide xewerde héchnéme déyilmigen.
Muxbirimiz ümidwar
2010-12-22
Élxet
Pikir
Share
Print

Tengritagh torining xewiride, 21 ‏- dékabir ürümchi michu'en ‏- köktagh senyu'en kömür kénida kan gümürülüp chüshüp alte kishining ölgenliki, 1992 ‏- yili qurulghan bu kanning yiligha 90 ming tonna kömür ishlepchiqiridighanliqi qeyt qilin'ghan.

Xitay kan weqesi eng köp yüz béridighan memliketlerning biri bolup, hazirghiche nurghun kan ishchiliri türlük weqelerde hayatidin ayrilghan. Ürümchi shehiri yénidiki tik-quduq, gherbiy we sherqiy tagh hem wéyxulyang kömür kanliri bir qeder chong kanlar bolup, tik quduq rayonida chong bolghan, hazir gherb dunyasida yashawatqan bir erbabning éytishiche, mezkur kanlarda köp sanda Uyghur ishchilar eng xeterlik we asan weqe chiqidighan nuqtilarda ishleydighan bolup, köpligen Uyghurlar kan hadisiliride hayatidin ayrilghan.

Gerche, xitayda yüz bériwatqan kan hadisilirini kontrol qilish üchün xitay hökümiti bir qatar tedbirlerni alghan bolsimu, emma qalaymiqan kan échish we qézish, bazar qoghlishish bilenla bolup, bixeterlik ölchimige diqqet qilmasliq qatarliq ehwallarning dawamliq türde weqe kélip chiqish rolini oynighanliqi éytilmaqta.

Toluq bet