Xitayning kan échishigha qarshi turghan bir qisim tibetler basturuldi

Xitayning sichüen ölkisining tibetlikler rayonidiki tibetler, ötken seyshenbe küni, xitayning öz tewelikide kan échishigha qarshi, beyyü nahiyilik hökümet aldida topliship naraziliq bildürgen.
Muxbirimiz shohret hoshur
2010-08-24
Share

Naraziliq herikiti axiri shi'iddetlinip toqunush kélip chiqqan. Toqunushta xitay saqchiliri tibetliklerge qaritip oq chiqarghan. Buning bilen weqede 3 kishi ölgen we 30 nechche kishi yaridar bolghan.

Muhajirettiki tibet teshkilatlirining bildürüshiche, beyyü nahiyiside yéqinda bir altun kan bayqalghan. Hökümet terep buni qézish üchün ish bashlighanda, tibetlikler kan qézishning rayonning ékologiyisini buzudighanliqini bildürüp, qarshiliq körsetken.

Közetküchiler, tibetliklerning yer asti bayliqlirini özlirining kelgüsi ewladlirining rizqi dep qarawatqanliqini, shunga xitayning bu jayda kan échishigha qarshiliq körsitiwatqanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet