Xitay ley changshingni ötküzüwélish meydanida özgirish bolmighanliqini bildürdi

Xitay dölet re'isi xu jintawgha egiship kanadani ziyaret qilghan xitay tashqi ishlar ministirliqi bayanatchisi maw jawshuy peyshenbe küni ottawada bayanat élan qilip, xitayning kanadadin shyamén yüenxu'a etkeschilik weqesining bash jawabkari ley changshingni ötküzüwélish meydanida özgirish bolmighanliqini bildürdi.
Muxbirimiz erkin
2010.06.25
Share on WhatsApp
Share on WhatsApp

Ma jawshuy yene, xitay hökümitining, kanadaning musapirlargha panahliq bérishige qarshi ikenlikini eskertip, "junggo terep bezi kishilerning munasiwetlik döletler qanunidiki boshluqtin paydilinip, siyasiy panahliqni bahane qilip, köchmenlik salahiyitige érishishige izchil qarshi turidu" dégen.

Kanada Uyghur, tibet we öktichi xitaylar siyasi panaliq tileydighan gherbtiki asasliq döletlerning biridur. Lékin xitayda türmige solan'ghan kanada puqralirining mesilisi we xitay hökümiti tutush buyruqi chiqirip, kanadagha qéchip barghan ley changshing délosi uzun yillardin béri xitay-kanada arisidiki ziddiyetlik mesile bolup kelgen.

Xitay hökümiti bir tereptin ley changshingni telep qilip, yene bir tereptin Uyghur kanada puqrasi hüseyin jélilni qayturup bérishni ret qilmaqta idi. Xewerlerge qarighanda xu jingtawning kanadadiki ziyariti mezgilide xitay j x ministirliki we kanada xan jemeti saqchi idarisining "jinayi ishlargha zerbe bérish hemkarliq esletmisi" imzalan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.