Yene bir türküm atalmish xitay pida'iyliri Uyghur élige "Yardem" bérishke kelgen

Uyghur élide aliy mektepni püttürgen oqughuchilar xizmetsiz yürüwatqan mezgilde, Uyghur diyarigha yardem béridighan atalmish xitay aliy mektep oqughuchi pida'iyliri 25 - iyul Uyghur élige kirgen.
Muxbirimiz jüme
2012-07-28
Share


"Tengritagh" torining xewer qilishiche, bu aliy mektep oqughuchiliri xitayning "Gherbiy diyar pilani" boyiche Uyghur élige "Yardem bérishke" kelgenler iken.

Xewerge qarighanda bu, mezkur pilan yolgha qoyulghandin buyan Uyghur élige kelgen 10 - türküm "Pida'iy" lar bolup, shuning bilen Uyghur élige yerleshken bu xil atalmish pida'iylarning sani jem'iy 1475 ke yetken.

Bu türküm "Pida'iy" lar xénen ölkisidin kelgen bolup, ular qumul poyiz istansigha kirgende bashlirigha doppa kiydürülüp qarshi élin'ghan. Bular ürümchide 3 kün terbiyilen'gendin kéyin, Uyghur élining her qaysi jaylirigha xizmetke ewetilidiken.

Aliy mektepni püttürgen Uyghur yashlirini öz ichige alghan Uyghurlar arisidiki yuqiri nisbettiki ishsizliq mesilisi 2009 - yilidiki "5 - Iyul weqesi" ge seweb bolghan amillarning biri idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet