Русийә президенти мидведеф русийидә "хитай шәһәрчилири"ниң қурулушиға йол қоюлмайдиғанлиқини билдүрди

Русийә президенти мидведеф русийидә "хитай шәһәрчилири"гә охшаш бир милләт аһалиси топлишип олтурақлашқан аһалиләр районлириниң қурулушиға йол қоюлмайдиғанлиқини билдүргән.
Мухбиримиз әркин
2010-12-30
Елхәт
Пикир
Share
Принт
 Йеқинда керимилин сарийи русийидики милләтләр мунасивити мәсилиси бойичә муһакимә йиғини чақирған . Йиғинда президент мидведеф сөз қилип, русийидә "хитай шәһәрчилири"ниң қурулушиға қарши икәнликини билдүргән. Русийә ахбарат васитилириниң хәвәр қилишичә, йиғинда мидведеф русийә һөкүмитиниң бир милләт аһалисиниң мәлум бир районға топлишивелип, хитай көчмәнлиридәк "кичик шәһәрчиләр"ни қурувелишиға йол қоймайдиғанлиқини тәкитлигән.

Мидвидефниң агаһландурушичә, йеқинқи йиллардин бери русийә америкидин қалса 2 ‏- чоң көчмәнләр дөлитигә айлинип қалған болуп, бу, русийиниң нурғун районлирида йеқинқи бир қанчә йүз йилдин буян шәкилләнгән  миллий нисбәтни бузуп ташлиған. Буниң билән бу русийиниң нурғун җайлирида милләтләр мунасивитиниң җиддийлишип кетишини кәлтүрүп чиқарған. 12‏- Айниң башлири бир русийилик топ мәстаниси билән бир кафказийилик көчмән арисида җедәл чиқип, русийилик топ мәстанисиниң өлтүрүлүши москвада русийә топ мәстанилириниң нәччә миң кишилик намайишини кәлтүрүп чиқарған иди.

Руслар билән кафказийилик көчмәнләр арисидики бу ихтилап русийидә көчмәнләр мәсилиси һәққидики талаш-тартишниң қозғилишиға сәвәб болди. Бу талаш тартишниң түрткисидә москва вә русийиниң йирақ шәрқ районидики хитай көчмәнләр мәсилисиму күнтәртипкә қоюлған.
 
Русийә мәтбуатлириниң хәвәр қилишичә, нөвәттә русийиниң йирақ шәрқ районида рәсмий"хитай шәһәрчилири" қурулмиған болсиму, лекин хитай көчмәнлири мәлум бир районға топлишип, өз алдиға җәмийәт шәкилләндүргән иди.
Пикирләр (0)
Share
Толуқ бәт