Rusiye prézidénti midwédéf rusiyide "xitay sheherchiliri"ning qurulushigha yol qoyulmaydighanliqini bildürdi

Rusiye prézidénti midwédéf rusiyide "xitay sheherchiliri"ge oxshash bir millet ahalisi topliship olturaqlashqan ahaliler rayonlirining qurulushigha yol qoyulmaydighanliqini bildürgen.
Muxbirimiz erkin
2010-12-30
Élxet
Pikir
Share
Print
 Yéqinda kérimilin sariyi rusiyidiki milletler munasiwiti mesilisi boyiche muhakime yighini chaqirghan . Yighinda prézidént midwédéf söz qilip, rusiyide "xitay sheherchiliri"ning qurulushigha qarshi ikenlikini bildürgen. Rusiye axbarat wasitilirining xewer qilishiche, yighinda midwédéf rusiye hökümitining bir millet ahalisining melum bir rayon'gha toplishiwélip, xitay köchmenliridek "kichik sheherchiler"ni quruwélishigha yol qoymaydighanliqini tekitligen.

Midwidéfning agahlandurushiche, yéqinqi yillardin béri rusiye amérikidin qalsa 2 ‏- chong köchmenler dölitige aylinip qalghan bolup, bu, rusiyining nurghun rayonlirida yéqinqi bir qanche yüz yildin buyan shekillen'gen  milliy nisbetni buzup tashlighan. Buning bilen bu rusiyining nurghun jaylirida milletler munasiwitining jiddiyliship kétishini keltürüp chiqarghan. 12‏- Ayning bashliri bir rusiyilik top mestanisi bilen bir kafkaziyilik köchmen arisida jédel chiqip, rusiyilik top mestanisining öltürülüshi moskwada rusiye top mestanilirining nechche ming kishilik namayishini keltürüp chiqarghan idi.

Ruslar bilen kafkaziyilik köchmenler arisidiki bu ixtilap rusiyide köchmenler mesilisi heqqidiki talash-tartishning qozghilishigha seweb boldi. Bu talash tartishning türtkiside moskwa we rusiyining yiraq sherq rayonidiki xitay köchmenler mesilisimu küntertipke qoyulghan.
 
Rusiye metbu'atlirining xewer qilishiche, nöwette rusiyining yiraq sherq rayonida resmiy"xitay sheherchiliri" qurulmighan bolsimu, lékin xitay köchmenliri melum bir rayon'gha topliship, öz aldigha jem'iyet shekillendürgen idi.
Toluq bet