Хитай лю шавбониң нобил намзатлиқиға қарши икәнликини билдүрди

Америка қәләмкәшләр җәмийити өткән һәптә хитай өктичи зат лю шавбони нобил тинчлиқ мукапатиниң намзатлиқиға көрсәткән иди. Бүгүн хитай ташқи ишлар баянатчиси бу һәқтә позитсийә билдүрүп, "әгәр тинчлиқ мукапати мушундақ бир кишигә берилсә пүтүнләй хата болиду," дегән.
Мухбиримиз шоһрәт һошур
2010-02-02
Share

Лю шавбо алдинқи йили хитайда демократик ислаһатни тәләп қилип, "2008 низамнамиси" дәп аталған бир хитапнамә тәйярлиған вә буниңға имза қоюш аммивий һәрикитигә йетәкчилик қилған иди. У йеқинда "дөләт һакимийитини ағдуруш җинайити" билән әйиблинип, 11 ‏йиллиқ қамақ җазасиға һөкүм қилинған иди.

Лю шавбони нобил намзатлиқиға көрсәткән америка қәләмкәшләр җәмийитиниң башлиқи мундақ дегән: "әгәр нобил мукапати лю шавбоға берилсә, дуняда инсан һәқлириниң һәр қандақ инсандин тартивелишқа болмайдиған муқәддәс бир һәқ икәнлики тәкитләнгән болиду."

Лю шавбониң намзатлиқи хетигә Salman Rushdu, Philip Roth вә Ha Jin қатарлиқ мәшһур язғучилар имза қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт