Xitay lyu shawboning nobil namzatliqigha qarshi ikenlikini bildürdi

Amérika qelemkeshler jem'iyiti ötken hepte xitay öktichi zat lyu shawboni nobil tinchliq mukapatining namzatliqigha körsetken idi. Bügün xitay tashqi ishlar bayanatchisi bu heqte pozitsiye bildürüp, "eger tinchliq mukapati mushundaq bir kishige bérilse pütünley xata bolidu," dégen.
Muxbirimiz shohret hoshur
2010.02.02
Share on WhatsApp
Share on WhatsApp

Lyu shawbo aldinqi yili xitayda démokratik islahatni telep qilip, "2008 nizamnamisi" dep atalghan bir xitapname teyyarlighan we buninggha imza qoyush ammiwiy herikitige yétekchilik qilghan idi. U yéqinda "dölet hakimiyitini aghdurush jinayiti" bilen eyiblinip, 11 ‏yilliq qamaq jazasigha höküm qilin'ghan idi.

Lyu shawboni nobil namzatliqigha körsetken amérika qelemkeshler jem'iyitining bashliqi mundaq dégen: "eger nobil mukapati lyu shawbogha bérilse, dunyada insan heqlirining her qandaq insandin tartiwélishqa bolmaydighan muqeddes bir heq ikenliki tekitlen'gen bolidu."

Lyu shawboning namzatliqi xétige Salman Rushdu, Philip Roth we Ha Jin qatarliq meshhur yazghuchilar imza qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.