Xitay ma'arip ministiri jow ji wezipisidin qaldurulghan

Xitay ma'arip ministiri jowji 31 - öktebir küni wezipisidin qaldurulghan bolup, b b s agéntliqining xitay metbu'atliridin neqil élip körsitishiche, jow jining wezipisidin qaldurulushi hemde uning ornigha mu'awin ma'arip ministirining teyinlinishi shenbe küni yépilghan xitay xelq qurultiyining 11 - qétimliq qurultiyining 11 - nöwetlik yighinida élan qilin'ghan.
Muxbirimiz ümidwar
2009.11.01
Share on WhatsApp
Share on WhatsApp

Jowji alte yildin buyan bu wezipini ijra qilip kéliwatqan bolup, uning téxi pénsiye yéshi toshmighan idi. Xitay metbu'atliri uning wezipisidin qaldurulush sewebi hem buningdin kéyin qandaq wezipige qoyulidighanliqini xewer qilmighan. Biraq, amérika awazi we en'gliye b b s agéntliqining xewer qilishiche, munasiwetlik közetküchiler jowjining pénsiye yéshi toshmay turup wezipisidin qaldurulushining ma'arip sahesidiki chiriklik bilen munasiwetlik bolushi mumkinlikini otturigha qoyushqan.

Xewerlerde bayan qilinishiche, u wezipe ötigen jeryanda ma'arip saheside nachar istillar barghanséri küchiyip ketken bolup, bu ma'arip sahesidiki emeldarlarning chiriklishishi, oqush pulining östürülüshi, ilim we ma'aripning barghanséri sodigha qarap yüzlinishi hem bashqilarni öz ichige alidiken.

Közetküchiler jow jining wezipisidin qaldurulushidiki asasliq amillar qatarida kishilerning ma'arip sahesidiki chiriklikke bolghan naraziliqlarning muhim orunda turidighanliqini perez qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.