Қәшқәр вә ғулҗида бир қисим хитайчә мәктәпләрдә уйғур тили дәрслики синақ тәриқисидә йолға қоюлған

Хитай мәтбуатлириниң хәвәр қилишичә, уйғур райониниң қәшқәр вә ғулҗа шәһиридә уйғур оқуғучилар сани көпрәк хитайчә мәктәпләрдә, уйғур тили дәрслики мушу мәвсумдин башлап синақ тәриқисидә йолға қоюлған.
Мухбиримиз шоһрәт һошур
2010-09-03
Share

Аптоном районлуқ маарип назарити қош тил оқутуш бөлүминиң бу һәқтики уқтурушидин мәлум болушичә, уйғур тили дәрслики бу мәктәпләрдә хитайчә оқуватқан уйғурлар үчүн мәҗбурий, хитайлар үчүн болса ихтиярий дәрслик қилип бекитилгән.

Хәвәрләрдә бу түзүмниң мәқситини уйғур тили - йезиқини қоғдаш дәп чүшәндүрүлгән. Әмма, бу тузум пәқәт қәшқәр вә ғулҗида 2 дин 3 кә қәдәр мәктәптә, һәптидә 2 саәттин 3 саәткә қәдәр қилип бекитилгән.

Буниңдин қариғанда, бу түзүмниң мәзкур мәқсәткә нисбәтән ейтқанда наһайити аҗиз бир чарә икәнлики көрүлмәктә. Шундақтиму уйғур көзәткүчиләр, бу мәсилигә кәлгәндә хитай һөкүмитиниң уйғурларниң наразилиқини диққәт ‏- етибарға алғанлиқини вә буниң 5 ‏- июлдики миллий қаршилиқ һәрикитиниң нәтиҗиси икәнликини баян қилмақта.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.