Хитай мудапиә министирлиқи америкидин оғриланған тик учар техникисини ишләткәнликини рәт қилди

Хитай мудапиә министирлиқи бүгүн өз тор бетидә елан қилған баянатида, хитайниң америкидин оғрилиған техника арқилиқ һуҗумчи тик учар ясиғанлиқини рәт қилип, бу “пакиттин узақлашқанлиқ” деди.
Мухбиримиз ирадә
2012.07.26

Бу йил июнда америкиниң коннетикт штатидики бирләшмә техника ширкити хитайға қанунсиз һалда юмшақ детал експорт қилиш билән әйибләнгән иди. Бирләшмә агентлиқиниң ейтишичә, америка даирилири бу юмшақ деталларниң хитайниң тик учар техникисини тәрәққий қилдуруш үчүн ишләткәнликигә ишинидикән.

Америка 1989-йилидин бери хитайға мудапиә саһәсигә алақидар юқири техника сетишни чәклигән. Әмма юқиридики юмшақ детал вәқәсидин башқа, канададики бир техника ширкитиниңму юқиридики ембаргони дәпсәндә қилип, хитайға чәкләнгән техникиларни сатқанлиқи ашкариланған иди.

Хитайниң америкидики техника вә иқтисад җасуслуқ паалийәтлириниң күчлүклүки һазир америкида қаттиқ ғулғула қозғаватқан мәсилиләрниң бири болуп, нурғун чоң ширкәтләрдә байқалған техника җасуслири асасән дегүдәк хитай билән четишлиқ чиққан иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.