'Xitay da'iriliri oghrilap ketti' dep qariliwatqan eqliy mülükni tekshürüsh telep qilindi

Ikki neper palata ezasi düshenbe küni amérika tashqi soda komitéti mes'ulliri bilen sözliship, "xitay da'iriliri oghrilap ketti" dep qariliwatqan eqliy mülük mehsulatlirining amérika iqtisadigha körsetken tesirini tekshürüshni telep qildi.
Muxbirimiz jüme
2010-04-19
Share

Melum bolushiche, amérika kéngesh palatasi maliye komitéti re'isi meks ba'ukus we palata ezasi chuk grassléy qatarliqlar tashqi soda komitéti re'isi shara aranof bilen bu heqte resmiy sözleshken.

Fransiye agéntliqida neqil qilishiche, ba'ukus: "xitay hökümitining xitayda amérika eqliy mülüklirining heddidin tashqiri derijide oghrilinip kétishini ünümlük tosmasliqi netijiside, amérika ishchiliri, amérika iqtisadi we amérika soda - sana'iti éghir bedel tölimekte," dégen.

Palata ezasi grassléy bolsa, xitayning amérika mehsulatlirini heddidin tashqiri derijide köchürüp yasishi netijiside amérika terepning milyonlap ziyan tartiwatqanliqini bildürgen.

Palata ezaliri tashiqi soda komitéti re'isidin bu heqtiki doklatni bu yil noyabirda bir qétim we kéler yili mayda bir qétim tapshurushni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet