Хитай нефит гуруһи әнгилийидики йәршари динамика ширкити - ролис ройс ширкити билән тохтам түзди

Шинхуа агентлиқида көрситилишичә, тохтамда ролис ройс ширкити ғәрбниң газини шәрққә йөткәш иккинчи туруба линийиси учун 120 милйон доллар қиммитидики бесим ашурғуч сетип беридикән.
Мухбиримиз җүмә
2009.09.02

Мәзкур бесим ашурғуч, туруба линийисиниң газ йәткүзүш бесимини ашурупла қалмастин, бәлки йәнә ат күчини ашуридикән.

Хитай һөкүмити 2008 - йилидин башлап ғәрбниң газини шәрққә йөткәш иккинчи туруба линийиси қурулуши башлиған. Уйғур ели қорғас районидин хитайниң шаңхәй шәһиригә тутишидиған мәзкур линийиниң омумий узунлуқи 4 миң километир болуп, йиллиқ газ йәткүзүш миқдари 170 милйон кубметирға йетидикән.

Хитай нефит гуруһи, уйғур елидә нефит вә тәбиий гази қизиватқан хитай дөләт игидарчилиқидики нефит ширкити. Уйғур елидики чоң нефитлик вә тәбиий газлиқлар мәзкур ширкәт игидарлиқида. Хитай нефит ширкити 2004 - йили ғәрбниң газини шәрққә йөткәш 1 - туруба линийисини пүттүргән вә хитайниң шәрқий қисимдики чоң шәһәрлирини тәбиий газ билән тәминләшни башлиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.