Хитай ғәрб - шәрқ тәбий газ туруба йолидин йәнә бирни қурушни пиланлиған

Хитай мәтбуатлириниң җүмә күни хәвәр қилишичә, хитай даирилири уйғур тәбий газ байлиқини шәрқтики санаәт районлириға тошуйдиған ғәрб билән шәрқ арисидики тәбиий газ туруба йолидин йәнә бирни қурушни пиланлимақта икән. Әгәр бу туруба йоли қурулса бу хитай йеқинқи 7 - 8 йил ичидә ясиған 4 ‏ - тәбий газ туруба йоли болуп қалиду.
Мухбиримиз әркин
2009-06-26
Share

"Хитай бихәтәрлик жорнили" ниң җүмә күни елан қилған мәлуматидики хитай дөләтлик нефит ширкитиниң мунасивәтлик әмәлдарлириниң сөзини нәқил кәлтүрүп бәргән бир хәвиридә "ғәрбниң газини шәрққә йөткәйдиған 4 ‏ - линийәлик туруба йоли пиланланғанлиқи"ни билдүргән. Хәвәрдә йәнә, хитай нефит ширкитидики әмәлдарларниң " тәбиий газ мәнбәси тарим ойманлиқидин тепилған йеңи газ қатлимидин қезилидиғанлиқи"ни әскәрткәнликини язған.

Бу һәқтики хәвәргә қариғанда, йеңи газ турубисиниң шәрқтики әң ахирқи бекити хитайниң шәрқий вә җәнубидики өлкиләрдә тохтайдикән. " Хитай бихәтәрлик жорнили" дики хәвәрдә йәнә, тарим ойманлиқиниң һазирға қәдәр байқалған омуми тәбиий газ записи 35 тирлион куп метирдин ашидиғанлиқи, ойманлиқдики газлиқларниң биридин йилиға 4 милярд куп метир газ чиқидиғанлиқи билдүрүлгән.

Ғәрбниң газини шәрққә йөткәш туруба қурулушиниң 1 ‏ - линийәси 2004 ‏ - йили рәсмий ишқа кириштүрүлгән болуп, һазир йилиға 12 милйон куп метир газ йоллайдикән.

Туруба йолиниң 2 ‏ - линийәсиниң 2011 ‏ - йили ишқа кириштүрүлүши пиланланмақта. 3 ‏ - Линийәси болса лайиһәлиниш басқучида иди. Хитай бу икки туруба йолидин пайдилинип оттура асия әллиридин тәбиий газ импорт қилишни ойлайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт