Xitay gherb - sherq teb'iy gaz turuba yolidin yene birni qurushni pilanlighan
"Xitay bixeterlik zhornili" ning jüme küni élan qilghan melumatidiki xitay döletlik néfit shirkitining munasiwetlik emeldarlirining sözini neqil keltürüp bergen bir xewiride "gherbning gazini sherqqe yötkeydighan 4 - liniyelik turuba yoli pilanlan'ghanliqi"ni bildürgen. Xewerde yene, xitay néfit shirkitidiki emeldarlarning " tebi'iy gaz menbesi tarim oymanliqidin tépilghan yéngi gaz qatlimidin qézilidighanliqi"ni eskertkenlikini yazghan.
Bu heqtiki xewerge qarighanda, yéngi gaz turubisining sherqtiki eng axirqi békiti xitayning sherqiy we jenubidiki ölkilerde toxtaydiken. " Xitay bixeterlik zhornili" diki xewerde yene, tarim oymanliqining hazirgha qeder bayqalghan omumi tebi'iy gaz zapisi 35 tirli'on kup métirdin ashidighanliqi, oymanliqdiki gazliqlarning biridin yiligha 4 milyard kup métir gaz chiqidighanliqi bildürülgen.
Gherbning gazini sherqqe yötkesh turuba qurulushining 1 - liniyesi 2004 - yili resmiy ishqa kirishtürülgen bolup, hazir yiligha 12 milyon kup métir gaz yollaydiken.
Turuba yolining 2 - liniyesining 2011 - yili ishqa kirishtürülüshi pilanlanmaqta. 3 - Liniyesi bolsa layihelinish basquchida idi. Xitay bu ikki turuba yolidin paydilinip ottura asiya elliridin tebi'iy gaz import qilishni oylaydiken.
- Lagér shahiti gülbahar xatiwajining guwahliqi firansiyede kitab bolup neshrdin chiqti
- Xitay lagér shahiti qelbinur sidiqning guwahliqini yalghan'gha chiqirishqa urunmaqtiken
- Jow baydin xitaygha qarita qandaq siyaset yürgüzüshi mumkin?
- Ghuljidiki 40 yilliq ma'aripchi sajide rehimjan 20 yilliq késiwétilgen
- Yazghuchi we sha'ir haji mirzahid kérimining 82 yéshida türmide wapat bolghanliqi delillendi
