Хитай йәнә обаманиң далай лама билән көрүшүшигә қарши туридиғанлиқини ипадиләп баянат елан қилди

Бирләшмә агентлиқиниң бейҗиңдин баян қилишичә, хитай бүгүн йәнә америка президенти обаманиң тибәтниң диний даһиси далай лама билән көрүшүшигә қарши туридиғанлиқини ипадиләп баянат елан қилди.
Мухбиримиз вәли
2010.02.03

Бу, хитайниң, ақсарай баянатчиси түнүгүн обаманиң далай лама билән көрүшүш пилани өзгәрмәйдиғанлиқини җакарлиғанлиқиға қайтурған инкаси болуп һесаблиниду.

Хәвәрдә ейтилишичә, хитай ташқи ишлар министирлиқиниң баянатчиси ма җавшү бүгүнки баянатида техиму қаттиқ ибарә қоллинип 'җуңго далай ламаниң америкини зиярәт қилишиға, шундақла, америка рәһбәрлириниң униң билән һәр қандақ нам билән яки һәр қандақ шәкилдә көрүшүшигә қәтий қарши туриду' дәп җакарлиди.

2008‏ - Йили тибәт районида хитайниң, тибәтләрниң диний етиқатини чәклигәнликигә қаршилиқ көрситидиған кәң көләмлик һәрикәт йүз бәргәндә, хитай чүчүп кетип, далай ламани 'җуңгони парчилимақчи', 'тибәтни мустәқил қилмақчи' дәп әйибләшкә башлиған иди.

Америка өткән һәптидә тәйвәнгә қорал сатқандин кейин, хитай дәрһал баянат елан қилип, америка билән болған һәрбий мунасивитини вақтинчә тохтитидиғанлиқини җакарлиған иди. Шуниңдин кейин йәнә, америка президенти бултур хитайни зиярәт қилғанда 'далай лама хәлқара һүрмәт қилидиған диний даһи, мән униң билән ақсарайда күрүшимән, хитайму униң билән сөһбәт өткүзүши керәк' дегән сөзгә түнүгүн инкас қайтуруп, наразилиқ билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.