Xitay yene obamaning dalay lama bilen körüshüshige qarshi turidighanliqini ipadilep bayanat élan qildi

Birleshme agéntliqining béyjingdin bayan qilishiche, xitay bügün yene amérika prézidénti obamaning tibetning diniy dahisi dalay lama bilen körüshüshige qarshi turidighanliqini ipadilep bayanat élan qildi.
Muxbirimiz weli
2010-02-03
Share

Bu, xitayning, aqsaray bayanatchisi tünügün obamaning dalay lama bilen körüshüsh pilani özgermeydighanliqini jakarlighanliqigha qayturghan inkasi bolup hésablinidu.

Xewerde éytilishiche, xitay tashqi ishlar ministirliqining bayanatchisi ma jawshü bügünki bayanatida téximu qattiq ibare qollinip 'junggo dalay lamaning amérikini ziyaret qilishigha, shundaqla, amérika rehberlirining uning bilen her qandaq nam bilen yaki her qandaq shekilde körüshüshige qet'iy qarshi turidu' dep jakarlidi.

2008‏ - Yili tibet rayonida xitayning, tibetlerning diniy étiqatini chekligenlikige qarshiliq körsitidighan keng kölemlik heriket yüz bergende, xitay chüchüp kétip, dalay lamani 'junggoni parchilimaqchi', 'tibetni musteqil qilmaqchi' dep eyibleshke bashlighan idi.

Amérika ötken heptide teywen'ge qoral satqandin kéyin, xitay derhal bayanat élan qilip, amérika bilen bolghan herbiy munasiwitini waqtinche toxtitidighanliqini jakarlighan idi. Shuningdin kéyin yene, amérika prézidénti bultur xitayni ziyaret qilghanda 'dalay lama xelq'ara hürmet qilidighan diniy dahi, men uning bilen aqsarayda kürüshimen, xitaymu uning bilen söhbet ötküzüshi kérek' dégen sözge tünügün inkas qayturup, naraziliq bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet