Xitay, obamaning pul aburoti heqqidiki sözini ret qildi

Xitay xelq bankisining mu'awin bashliqi su nying bügün élan qilghan bayanatida, xitayda pul aburuti hökümet teripidin kontrol qiliniwatqanliqini étirap qilmidi.
Muxbirimiz weli
2009-01-24
Share

Birleshme agéntliqining béyjingdin bayan qilishiche, amérika maliye ministirliqigha namzatlan'ghan  timoti géynér tünügün amérika kéngesh palatasining maliye komitétida soralghan su'allargha jawap bergende 'prézidént obama xitay da'iriliri pul aburotini kontrol qiliwaldi dep qaraydu' dégen idi.

B b s ning bayan qilishiche, obama hökümitining xitaygha qaratqan iqtisadiy siyasiti téxi ashkarilanmighan ehwal astida, xitay hazir bu heqtiki uchurlargha nahayiti bek diqqet qiliwatqan idi.

Bügün xitay xelq bankisining mu'awin bashliqi sunying derhal otturigha chiqip, amérika maliye ministirliqigha reddiye bérip 'amérika maliye ministirlikining pul aburoti heqqidiki gepliri emeliyetke uyghun emes, bu, amérikidiki iqtisadiy krizisning sewebini sürüshtürüshni xata yolgha bashlishi mumkin', 'amérika iqtisadiy krizistin qutulush üchün öz - özini tenqit qilish kérek' dégen.

Xitayning tashqi ishlar ministiri yang jiéchimu bügün amérika tashqi ishlar ministiri xéllari klinton bilen téléfonda alaqiliship 'xitay bilen amérika otturisidiki ixtilaplarning we sezgür mesililerning siliq birterep qilinishi'ni ümid qilidighanliqini ipadiligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet