Хитай өктичи язғучи германийиниң «тинчлиқ мукапати» ға еришти

Хитай өктичи язғучи ляв йиву пәйшәнбә күни германийидә йилда бир қетим тарқитилидиған «германийә китабчилиқи тинчлиқ мукапати» ға еришти.
Мухбиримиз ирадә
2012-06-21
Елхәт
Пикир
Share
Принт


Лав вей тәхәллуси билән тонулидиған бу язғучи 1989 - йили 3 - июн язған «тйәнәнмен оқуғучилар һәрикити» һәққидики «қирғинчилиқ» намлиқ шеири сәвәблик 1990 - йили 4 йиллиқ қамақ җазасиға һөкүм қилинған.

У 1998 - йили хитайдики өктичи язғучилар тәрипидин 70 - йилларда йезилған шеирла киргүзүлгән «хараб болған муқәддәс қәсир» намлиқ шеирлар топлимини нәшр қилдурған. Гәрчә бу топлам әйни чағда мутәхәссисләрниң юқири баһасиға еришкән болсиму, әмма хитай тәшвиқат министирлиқи китабни чәкләпла қалмай, бу китабни нәшр қилған «шинҗаң яшлар - өсмүрләр нәшрияти» ниму қайта рәткә салған иди.

Ляв йивуниң йәнә бир надир иҗадийити болса «җуңгониң төвән қатлимидикиләр билән өткүзүлгән сөһбәт хатириси» намлиқ әсәр болуп, у бу әсиридә хитайдики иҗтимаий орни әң төвән кишиләр билән өткүзүлгән сөһбәтләр арқилиқ, хитайдики иҗтимаий түзүмини қаттиқ тәнқид қилған. Бу китаб юқири тираж билән 2001 - йили тәйвәндә нәшр қилинған вә франсузчиғиму тәрҗимә қилинған.

Хитай даирилири ляв йивуниң чәтәлгә чиқишини чәклигән. Әмма у 2011 - йили 3 - айда вйетнамға пиядә қечип чиққандин кейин, шу йили 7 айниң 6 - күни германийигә келивалған иди. У, бу қетим еришкән мукапат германийидики нопузлуқ мукапатларниң бири болуп, мукапат соммиси 32 миң доллар.

Пикирләр (0)
Share
Толуқ бәт