Xitay öktichi yazghuchi gérmaniyining "Tinchliq mukapati" gha érishti

Xitay öktichi yazghuchi lyaw yiwu peyshenbe küni gérmaniyide yilda bir qétim tarqitilidighan "Gérmaniye kitabchiliqi tinchliq mukapati" gha érishti.
Muxbirimiz irade
2012-06-21
Share


Law wéy texellusi bilen tonulidighan bu yazghuchi 1989 - yili 3 - iyun yazghan "Tyen'enmén oqughuchilar herikiti" heqqidiki "Qirghinchiliq" namliq shé'iri seweblik 1990 - yili 4 yilliq qamaq jazasigha höküm qilin'ghan.

U 1998 - yili xitaydiki öktichi yazghuchilar teripidin 70 - yillarda yézilghan shé'irla kirgüzülgen "Xarab bolghan muqeddes qesir" namliq shé'irlar toplimini neshr qildurghan. Gerche bu toplam eyni chaghda mutexessislerning yuqiri bahasigha érishken bolsimu, emma xitay teshwiqat ministirliqi kitabni cheklepla qalmay, bu kitabni neshr qilghan "Shinjang yashlar - ösmürler neshriyati" nimu qayta retke salghan idi.

Lyaw yiwuning yene bir nadir ijadiyiti bolsa "Junggoning töwen qatlimidikiler bilen ötküzülgen söhbet xatirisi" namliq eser bolup, u bu esiride xitaydiki ijtima'iy orni eng töwen kishiler bilen ötküzülgen söhbetler arqiliq, xitaydiki ijtima'iy tüzümini qattiq tenqid qilghan. Bu kitab yuqiri tirazh bilen 2001 - yili teywende neshr qilin'ghan we fransuzchighimu terjime qilin'ghan.

Xitay da'iriliri lyaw yiwuning chet'elge chiqishini chekligen. Emma u 2011 - yili 3 - ayda wyétnamgha piyade qéchip chiqqandin kéyin, shu yili 7 ayning 6 - küni gérmaniyige kéliwalghan idi. U, bu qétim érishken mukapat gérmaniyidiki nopuzluq mukapatlarning biri bolup, mukapat sommisi 32 ming dollar.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet