B d t insan heqliri komissari xitaydiki öktichilerning teqdiridin endishe qiliwatqanliqini bildürdi

Xitay ötken hepte xitay öktichilerdin, chén wéy we chén shilerge ayrim-ayrim halda 10 yilliqtin qamaq jazasi bergen؛ uning aldida yene öktichi gaw jishénggha 3 yilliq qamaq jazasi bergen.
Muxbirimiz shöhret hoshur
2011.12.26
Share on WhatsApp
Share on WhatsApp

B d t insan heqliri komissiyonining bashliqi nawiy pilay bügün bu heqte bayananat élan qilip, özining xitaydiki insan heqliri weziyitidin, jümlidin öktichi zatlarning teqdirdin endishe qiliwatqanliqini bildürdi.

Birleshme agéntliqning bügünki bu heqtiki xewiride bildürüshiche, öktichi chén shi torbetlerde élan qilghan 36 parche maqalisi seweblik, dölet hakimiyitini aghdurush jinayiti bilen eyiblen'gen.

Chén shi sot küni maqalilirining mezmunining burmilan'ghanliqini tilgha élip jinayitini ret qilghan, emma sotning hökümige qarita naraziliq erzi sunushtinmu waz kechken.

Melum bolushiche, chén shi 1989-yilidiki xitay oqughuchilar herikitigimu qétilghan bolup, u shu chaghdimu oxshash jinayet bilen eyiblinip 3 yil qamaqta yatqan. Bu qétimqisi uning ikkinchi qétim jazalinishidur.

B d t komissari nawiy pilay bügünki bayanatida yene, xitay hökümitidin, mehbuslar ichidiki özining pikir qilish hoquqini tinch yolda ishletken öktichilerni derhal qoyup bérishni telep qilghan. Nawiy pilay xitayning insan heqliri xatirisini izchil tenqidlep kéliwatqan mutexessis we b d t xadimliridin biri. Xitay b d t ning bu xil chaqiriqlirigha izchil qulaq yopurup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.