Хитай өлкилири уйғур елигә хадим йөткәп уйғур елида қурулуш елип беришқа башлиди

Өткән айниң ахирида бейҗиңда ечилған шинҗаң хизмитигә ярдәм бериш йиғидин кейин, бир өлкә бир районға мәсул болуш шәклидә, һәр қайси хитай өлкилири уйғур елигә хадим йөткәп уйғур елида қурулуш елип бериш йиғинлирини арқа - арқидин ечишқа башлиди.
Мухбиримиз җүмә
2010.04.12

Җяңши өлкиси симлиқ телевизийиси хәвәрләр торида көрситишичә, 11 - апрел җяңши өлкиси рәһбәрлири бир қисим мунасивәтлик хадимларни башлап уйғур елиниң ақту наһийисигә келип, ақту наһийисидә қурулуш башлаш мурасими ачқан.

Хәвәрдә көрситишичә, җяңши өлкиси ақту наһийисидә җяңши йоли қатарлиқ 3 түр бойичә қурулуш елип баридикән.

Бейҗиңда ечилған "шинҗаң хизмитигә ярдәм бериш йиғини" дин кейин, хитайниң бейҗиң, шаңхәй вә гуаңҗу қатарлиқ шәһәрлири қәшқәр, хотән вә қизилсу қатарлиқ вилайәт, областларға хадим әвәтишкә башлиған иди.

Биз игилигән бәзи мәлуматларға қариғанда, илгириму хитайниң йиву шәһири қәшқәрдә қурулуш елип барған вә қәшқәрниң таш базири әтрапида йивулуқлар шәһәрчисини қуруп хитай дуккандарлириға ечивәткән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.