Хитай өлкилиридики сақчиханиларда уйғур сақчилар көпәйтилмәктә

Хитай милләтләр журнилиниң 15 ноябирдики санида, хитай өлкилиридики сақчиханиларда уйғур сақчиларниң көпәйтилгәнлики һәққидики хәвәр бесилди.
Мухбиримиз меһрибан
2011.11.15

Хәвәрдә хитай өлкилиридики сақчиханиларға уйғур сақчилириниң йөткәп келинишидики сәвәб чүшәндүрүлүп, бу сақчиларниң хитай өлкилиридики сақчиларға ярдәмлишип, хитай өлкилиридә еқип йүргән сәргәрдан уйғур балилирини йиғивелиш һәм хитай өлкилиридә уйғур балилирини янчуқчилиқ қилишқа зорлиған җинайәтчиләргә зәрбә бериш икәнлики тәкитләнгән.

Мәлум болушичә, йеқинқи бирқанчә йилдин буян гуаңдуң, шаңхәй, бейҗиң, йүннән қатарлиқ җайлардики уйғурлар нисбәтән көп болған мәһәллиләрдики сақчиханиларға, уйғур сақчилар йөткәп келингән.

Хитай өлкилиридин зияритимизни қобул қилған уйғурларниң билдүрүшичә, хитай сақчиханилирида вәзипә өтәватқан уйғур сақчилири пәқәтла хитай һөкүмәт мәтбуатлирида дейилгәндәк, сәргәрдан балиларни йиғивелиш, янчуқчиларға зәрбә бериш вәзиписинила өтәп қалмастин, бәлки уйғур районидики қаттиқ бастуруш сияситидин қечип, хитай өлкилиригә кәлгән уйғурларни зәрбә бериш, тутуш нишани қилған болуп, бу сақчилар хитай һөкүмитиниң уйғур яшлириға зәрбә бериштә из қоғлап тутуш вәзиписини өтәватқанлар икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.