Xitay ölkiliridiki saqchixanilarda Uyghur saqchilar köpeytilmekte

Xitay milletler zhurnilining 15 noyabirdiki sanida, xitay ölkiliridiki saqchixanilarda Uyghur saqchilarning köpeytilgenliki heqqidiki xewer bésildi.
Muxbirimiz méhriban
2011.11.15

Xewerde xitay ölkiliridiki saqchixanilargha Uyghur saqchilirining yötkep kélinishidiki seweb chüshendürülüp, bu saqchilarning xitay ölkiliridiki saqchilargha yardemliship, xitay ölkiliride éqip yürgen sergerdan Uyghur balilirini yighiwélish hem xitay ölkiliride Uyghur balilirini yanchuqchiliq qilishqa zorlighan jinayetchilerge zerbe bérish ikenliki tekitlen'gen.

Melum bolushiche, yéqinqi birqanche yildin buyan gu'angdung, shangxey, béyjing, yünnen qatarliq jaylardiki Uyghurlar nisbeten köp bolghan mehellilerdiki saqchixanilargha, Uyghur saqchilar yötkep kélin'gen.

Xitay ölkiliridin ziyaritimizni qobul qilghan Uyghurlarning bildürüshiche, xitay saqchixanilirida wezipe ötewatqan Uyghur saqchiliri peqetla xitay hökümet metbu'atlirida déyilgendek, sergerdan balilarni yighiwélish, yanchuqchilargha zerbe bérish wezipisinila ötep qalmastin, belki Uyghur rayonidiki qattiq basturush siyasitidin qéchip, xitay ölkilirige kelgen Uyghurlarni zerbe bérish, tutush nishani qilghan bolup, bu saqchilar xitay hökümitining Uyghur yashlirigha zerbe bérishte iz qoghlap tutush wezipisini ötewatqanlar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.