Nenjingda oqughuchilar bilen saqchilar arisida toqunush yüz bergen

Kishilik hoquq teshkilatlirining xewer qilishiche, xitayning nenjing shehiride minglighan oqughuchilar bilen shu yerlik saqchilar otturisida toqunush yüz bérip, 30 oqughuchi yarilan'ghan.
Muxbirimiz erkin
2009-05-20
Share

Xongkongdiki xitay démokratiye we kishilik hoquq uchur merkizining bu heqtiki bir xewiride , weqening xitay saqchiliri nenjing awi'atsiye we alem qatnishi uniwérsitéti oqughuchilirini urghanliqi sewebidin kélip chiqqanliqini,  düshenbe küni minglighan oqughuchilarning kochida namayish qilip, qatnashni tosuwalghanliqini, saqchilar bilen oqughuchilar arisidiki toqunushta 30 oqughuchining yarilan'ghanliqini bildürgen.

Xitay démokratiye we kishilik hoquq uchur merkizining bayanatida mundaq dégen": aliy mektep oqughuchiliri bilen  saqchilar arisida toqunush yüz bérip, 30 oqughuchi yarilandi, bir saqchi aptomobili chéqiwétildi".  Xewerlerde eskertishiche, namayish seyshenbe küni etigen'ge qeder dawamlashqan bolup, oqughuchilardin 5 kishi qolgha élin'ghan. 

Bu weqe tyen'enmén oqughuchilar démokratiye herikiti basturulghanliqining 20 yilliq xatire küni mezgilide yüz bergen bolup, bu xitay kommunistik hakimiyiti memliket ichi we sirtida tyen'enmén weqesini aqlash heqqidiki éghir bésimgha duch kéliwatqan mezgiller idi.

Chet'el axbarat agéntliqlirining xewer qilishiche, nenjing awi'atsiye we alem qatnishi uniwérsitéti jaylashqan jyangning rayonluq hökümet da'iriliri bolsa , weqening uqushmasliqtin kélip chiqqanliqini ilgiri sürüp, weqede toqunush yüz bergenlikini, adem yarilan'ghanliqini ret qilghan. Jyangning rayonluq hökümet da'irilirining bayanatida "bezi oqughuchilar  oqushmay hökümet xadimliri ikki oqughuchini yallap élip mangdi, dep oylap qélip topliniwalghan"liqini  tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet