Uyghur élini öz ichige alghan rayonalargha xizmetke kélishke tizimlatqan xitay oqughuchilar sani 100 minggha yéqinlashqan

Xitay iqtisad torida körsitilishiche, mezkur xizmet xitay merkizi hökümiti ma'arip ministirliqi, maliye ministirliqi we emgek küchi we ijtima'iy kapalet ministirliqi qatarliq organlar birlikte bashquruwatqan," 2009 - yilliq xitay studént pida'iylarning gherbiy rayonda xizmet qilish pilani" gha asasen élip bérilghan tizimlash xizmitining bir qismi iken.

Melum bolushiche, tizimlash xizmiti pütün xitay miqyasidiki 1000 din artuq aliy mektepler ara élip bérilip, jem'iy 96 ming 785 neper oqughuchi tizimlatqan bolup, omumiy tizimlash netijisi bu yil iyulda élan qilinidiken.

Uyghur élide aliy mektep oqughuchilirining xizmet tépishi barghanche qiyinlishiwatqan shara'itlarda, xitay hökümitining, shunche köp ademni Uyghur élige xizmetke kélishke orunlashturushi Uyghur jem'iyitige mu'eyyen derijide ghulghula qozghawatqan bolup, bu heqte Uyghur tor betliride munaziriler élip bérilmaqta.