Pakistan xitaydin bashqurulidighan bomba sétiwalmaqchi

Pakistan da'iriliri bügün pakistanning xitaydin bashqurulidighan bomba we uchush séstimisi sétiwalidighanliqini jakarlidi. Fransiye agéntliqining xewer qilishiche, pakistan xitay bilen bolghan herbiy hemkarliqini chongqurlashturushni arzu qilidighanliqini bildürgen.
Muxbirimiz irade
2010-11-18
Élxet
Pikir
Share
Print

Pakistan hawa armiyisining emeldari qamar sulayman bügün "xitayning radar sésitimisi we bashqurulidighan bombiliri ikki dölet ortaq yasap chiqqan küreshchi ayropilanlarda ishlitilishi mumkin", dégen. U yene pakistanning qoral ‏ - yaraqlirini yéngilash üchün xitay bilen herbiy jehettiki hemkarliqini téximu kücheytishni arzu qilidighanliqini éytqan.

Fransiye agéntliqining xewiridin melum bolushiche, xitay da'iriliri bu heqte ipade bildürüp pakistan bilen bolghan herbiy hemkarliqining héchqandaq bashqa bir döletni nishan qilmighanliqini, buning amérika prézidénti barak obamaning hindistan'gha élip barghan ziyariti bilen alaqisi yoqluqini ilgiri sürgen.

Amérika préizidénti barak obama yéiqinda hindinstan'gha élip barghan ziyariti jeryanida hindistan'gha yuqiri baha bérip, uni qudretlik bir dölet dégen we shundaqla amérikining hindistanning birleshken döletler teshkilati xewpszlik kingishining da'imiy ezasi bolushini qollaydighanliqini bildürgen. Uning üstige hindistan amérikidin 10 s -17 tipliq toshughuchi ayropilan sétiwalmaqchi bolghan idi.

Toluq bet