Хитай билән пакистанниң ниңшяда өткүзидиған һәрбий маневири "шәрқий түркистан ислам һәрикити"гә қаритилған

Пакистан билән хитай өткән шәнбә күндин башлап ниңшя туңган аптоном райониниң чиңтоңшя дегән йеридики ләнҗу һәрбий райониниң бир мәшқ мәйданида бирләшмә һәрбий маневир елишп беришқа башлиған.
Мухбиримиз әркин
2010-07-05
Share

Маневирниң террорлуққа қарши туруш мәзмунидики тәқлиди маневир икәнлики билдүрүлди. Бу пакистан билән хитайниң террорлуққа қарши туруш мәзмунидики бу түрлүк һәрбий маневирини 3 - қетим елип бериши болуп, маневирға һәр бир тәрәпниң алаһидә уруш қисимлиридин 113 әскәр қатнашқан. Маневирниң ниңшяда өткүзүлүши күзәткүчиләрниң диққитини қозғиған.

Хоңкоңда чиқидиған "әйнәк" гезити бу һәқтики хәвиридә маневирниң ниңшяда өткүзүлүшини чүшәндүрүп, маневирниң бу районда елип берилишидики сәвәб чиңтоңшя райониниң йәр түзүлүши пакистан билән афғанистан қәбилиләр райониға охшап кетидиғанлиқи, маневирда пакистан - афғанистан қәбилиләр райониға йошурунувалған шәрқий түркистан ислам һәрикитигә зәрбә бериш мәшқи елип берилидиғанлиқини илгири сүргән. Бу қетимқи һәрбий маневир пакистан президенти зәрдари 6 - июлдин 10 - июлға қәдәр хитайниң бейҗиң, шаңхәй қатарлиқ шәһәрлирини зиярәт қилиштин бурун орунлаштурулған иди.

Пакистанниң бейҗиңдики баш әлчиси мәсуд хан зәрдариниң зиярити һәққидә мәлумат берип, бу зиярәт арқилиқ "пакистан билән хитай террорлуққа қарши турушни күчәйтип, район вә хәлқара тинчлиқ вә муқимлиқни алға сүрүш, хәлқара мунбәр вә тәшкилатлардики һәмкарлиқни күчәйтиду" дегән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт