Хитай даирилири пакистанға әскәр орунлаштурғанлиқини рәт қилди
Алдинқи күни нюйорк вақти гезити, дуня нәшри қатарлиқ бир қисим муһим ахбарат органлири 11 миң хитай әскириниң пакистанниң гелгит райониға кирип, у йәрдә орунлишишқа башлиғанлиқини, уларниң төмүр йол шундақла қара қурум теғида уйғур елигә тутушидиған юқири сүрәтлик ташйол ясайдиғанлиқини, бу учурниң чәтәл җасуслуқ органлири, пакистан мухбирлири тәрипидин дәлилләнгәнликини хәвәр қилған иди.
Гәрчә шу күни пакистан даирилири хәвәрни инкар қилған болсиму, әмма хитай армийисиниң райондики мәвҗутлуқини рәт қилмиған, уларниң пакистандики апәттин қутқузуш хизмәтлиригә қатнишип, йол ясаватқанлиқини илгири сүргән иди.
Гелгит райони пакистанниң шималий қисмиға җайлашқан болуп, шималда уйғур елиниң ташқорған вә хотән райони билән чегрилиниду. Шәрқтә болса һиндистан контроллуқидики җаму вә кәшмир райониға чегрилинидиған муһим истратегийилик әһмийәткә игә район. Көзәткүчиләрниң қаришичә, хитайниң пакистандики һәрбий мәвҗутлуқини күчәйтиши хитай билән чегра зиддийити болған һиндистанни биарам қилидикән.
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
- Доктор адриян зенз германийәдики уйғур җамаити тәрипидин қизғин алқишланди
