Pakistan bilen xitay 'térrorluqqa qarshi' ortaq herbiy manéwir élip barmaqchi

Xitay bilen pakistan "térrorluqqa qarshi" ortaq herbiy manéwir ötküzidighanliqini élan qildi. Bügün pakistan herbiy da'iriliri, buning pakistan - xitay munasiwitining téximu qoyuqlashqanliqidin dérek béridighanliqini bildürdi.
Muxbirimiz irade
2010-07-01
Share

Fransiye agéntliqining bildürülüshiche, "dostluq" dep isim bérilgen bu herbiy manéwir bir hepte dawam qilidiken. Manéwirgha her ikki döletning alahide qisimliri we xitayning hawa armiye qisimliri qatnishidiken.

Pakistan prézidénti asif ali zerdari 6 - iyuldin 11 - iyulghiche xitayda ziyarette bolidu. U bu qétimqi ziyaritide xitay dölet re'isi xu jintaw bilen uchrishidu. Téxi yéqindila xitay da'iriliri pakistan'gha xelq'ara ölchemler asasida yadro ré'aktori sétip béridighanliqini élan qilghandin kéyin amérika buninggha nisbeten gumaniy pozitsiyide bolghan idi.

Pakistan xitayning rayondiki eng yaxshi shériki. Pakistan da'iriliri bundin ilgiri xitay bilen hemkarliship, pakistandiki Uyghurlarni teqib qilish, ularni térrorchi gumani bilen tutush hetta xitaygha ötküzüp bérishtek heriketlerde bolghan idi.

Bu qétim ikki döletning herbiy manéwirini "térrorluqqa qarshi" dégen nam bilen élip bérishimu alahide diqqet tartmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet